Timoun mare fyèl nou

Papa nou pa la

L al peche nan rivyè pousyè lavi

Manman nou pa la

La l lonje yon kwi makiye kay madanm

Gade bouch pitit lòt k ap neye nan grès

Pandan pa nou tounen savann dezole

Si sa bon

Papa nou a tounen ak kichòy

Manman nou a jwenn degouden

Pou l soulaje goudougoudou mizè

Ki ap fè bonnanj nou sekwe

Si sa pa bon tou

Timoun…

Mare fyèl nou


#Samuel Taillefer