Chak sole
veye kouche yo
Sizè diswa pa bon lè
G on koukouy
k ap tann lanjelis lan tonbe
pou l sa briye

Chak sole
veye kouche yo
sizè diswa pa fè lonè malere
se pou n mache
dèyè talon lanjelis
pou n pile fyète l

Chak sole
veye kouche yo
Aswè a menm
g on grenn zetwal
k ap pèdi plas li
nan mitan syèl la.

Chak sole
veye kouche yo
Sizè diswa sa a
g on rigòl dlo je
ki pa janm
sispann koule.

Chak sole
veye kouche yo sizè diswa sa a
g on powèm ki p ap fin ekri
Powèt la trepase
li mouri gòj anfle

E se paske
syèl la pa fin achire
kèk grenn zetwal etenn
ki fè kè kontan an
pa dire.


#Ansky Hilaire